Turjubaanadii 4-tii Madaxweyne Ee Isaga Danbeeyay Iran Oo Ka Warantay Shaqooyinkii Ugu Adkaa

Haweenaydii Turjubaaka u ahayd afartii madaxweyne ee isaga danbeeyay talada dalka Iran, ayaa soo saartay buug ay si faah faahsan ugaga hadashay, dabeecadihii iyo hab dhaqankii siyaasadeed ee Madaxweynayaashii ay turjubaanka u soo noqotay iyo shaqooyinkii adkaa ee soo kala dhex maray.

Gabadhan oo lagu magacaabo, Kinoosh sida wakalaada wararka Iran qortay, ay ka hadashay hawshaas wakhtigii ugu horeeyay ee ay bilowday, safaradii iyo kulamadii ay madaxweynayaasha kala qayb gashay, muddadii afartii madaxweyne ee ugu danbeeyay dalkaasi xukunka hayeen.

Gabadhan ayaa shaqadan markii ugu horaysay bilowday sanadkii 1992-kii, wakhtigaas oo uu madaxweynaha dalka Iran ahaa, Hashimi Rabsan Jani, safarna ay ugu raacday Dalka Afghanistan, Madaxweyne Hashimi Rabsan Jaani ayaa isagu ahaa qofka ugu degan intii ay la soo shaqaysay uguna hadal yaqaansanaa, waxaanay xustay in Rabsan Jaani marka uu hadlayo si degan u hadli jiray, hadalkiisuna koobnaa isla markaana erayo dhaxal gal ah ku hadli jiray.

Markii ay ka hadlaysay Madaxweynihii dhawaan talada ka degay ee dalka Iran, Maxamuud Axmedi Najad ayay sheegtay, inuu ahaa qof aad u hadal badan, hadalo kululu had iyo jeer adeegsada halku dhegyo gaboobay iyo maahmaahyo qadiim ah, waxaanay sheegtay in ay aad ugu adkaan jirtay mararka qaarkood in madaxda iyo dadka uu la hadlayo ay fahamsiiso ama u wada sheegi karto ujeedada uu hadalka ka leeyahay.

Madaxweynaha wakhtigan talada dalka Iran haya ee Xasan Ruxani mar ay ka hadlaysay ayay sheegtay, inuu yahay qof degan, isla markaana ku soo beegmay wakhti reer galbeedku xamaasad wayn u qabaan xidhiidh ay la yeeshaan dalka Iran, laakiin waxa ay xustay in shaqadeedu aad ugu adag tahay, waayo? Ruxani waa qof si wanaagsan ugu hadla afka ingiriisiga ayay tidhi.

Mar ay ka hadlaysay dhibaatada ka qabsatay hawsheeda turjumaada Madaxweynaha ayay sheegtay in markii uu dhawaan booqday Xasan Ruuxaani xarunta qaramada midoobay, mar uu la hadlayay xog hayaha guud ee qaramada Midoobay Ban ki Mon dhibaato ka qabsaday iyada, sababtoo ah ayay tidhi? Ban Ki Mon waxa uu ku hadlayay cod aad u hooseeya oo sida loo maqlaa adag tahay, waxaana madashu ahayd mid dad ka buuxo oo buuq badani ka jiro, markii uu madaxweyne Ruxaani arkay in maqalku igu adag yahay, ayuu afka Faarisiga igu yidhi ayay tidhi iska daa waan fahmayaa wuxuu I yidhi, iska naso anigaa la hadli doona Min fadlan.

Markii Madaxweyne Ruxaani intaa af Faarisi igu yidhi Ayaan sidii caadiga ahayd u turjumay ayay tidhi oo aan Ban Ki Moon u sheegay, waxaana mar kaliya wada qoslay Madaxweyne Xasan Ruxaani iyo Ban Ki Moon oo I fahmay in shaqada turjumaadu iga dhistay sidii qof aalad ah oo kale oo aan inuu wax turjumo mooyee caqliyaan aan is qaban Karin.

Faalo Ka Dhiibo

comments

Leave a Reply